KhammaouneTVC

Monday, 14 October 2013 18:25

ສາຂາໄອທີ

By 
Rate this item
(0 votes)

1. ທ.ລົມເຢັນ ພວງມະໄລ         

2. ທ.ພອນວິໄລ ລັດຖະຈັກ                  

3. ທ.ຄຳສີງ ນັນທະວົງ

4. ນ.ສຸວັນນີ ສຸແສງໄທ   

5. ນ.ກຽງສະໄໝ ໄຊຍະບັນດິດ              

6. ຈັນລະຄອນ ກ້ອນພະຈັນ             

7. ນ.ສຸກດາວັນ ແສງສຸວັນນາ

I. ໜ້າທີ່ ແລະ ຄວາມຮັບຜິດຊອບ.

1) ຈັດຕັ້ງປະຕິບັດແຜນການເຄື່ອນໄຫວຂອງໂຮງຮຽນອາຊີວະສຶກສາ.

2) ດຳເນີນການຮຽນການສອນພາກທິດສະດີ ແລະ ພາກປະຕິບັດ.

3) ຄຸ້ມຄອງຄູອາຈານພະນັກງານ ແລະ ນັກຮຽນນັກສຶກສາຂອງຕົນ.

4) ວັດຜົນປະເມີນຜົນ.

5) ສ້າງຜະລິດຕະພັນ ແລະ ໃຫ້ການບໍລິການທາງດ້ານວິຊາການ.

A.ໜ້າທີ່ ແລະ ຄວາມຮັບຜິດຊອບຂອງໜ່ວຍວິຊາການຂອງພາກວິຊາ .

1) ນຳພາໜ່ວຍວິຊາຂອງຕົນຈັດຕັ້ງປະຕິບັດແຜນການດຳເນີນງານ ແລະ ຮັບຜິດຊອບຢ່າງຮອບດ້ານ.

2) ສ້າງຊຸດການສອນ, ສື່ການຮຽນ-ການສອນ, ຄົ້ນຄວ້າ ແລະ ປັບປຸງບົດສອນ.

3) ຕິດຕາມການປະຕິບັດຫຼັກສູດການຮຽນ-ການສອນພາຍໃນໜ່ວຍວິຊາຂອງຕົນ.

4) ລາຍງານຜົນການຮຽນຂອງນັກຮຽນປະຈຳເດືອນ, ປະຈຳພາກຮຽນ, ປະຈຳປີທີ່ຂຶ້ນກັບໜ່ວຍວິຊາຂອງຕົນ.

5) ເສີມຂະຫຍາຍບົດບາດ ແລະ ຫົວຄິດປະດິດສ້າງຂອງພະນັກງານເຂົ້າໃນການປະ ຕິບັດແຜນການໃຫ້ມີປະສິດທິຜົນສູງ.

6) ລາຍງານການປະຕິບັດວຽກງານ ແລະ ສະພາບການຕ່າງໆໃນແຕ່ລະໄລຍະໃຫ້ຫົວໜ້າພະແນກເປັນປົກກະຕິ.

7) ປະຕິບັດໜ້າທີ່ອື່ນໆຕາມການມອບໝາຍຂອງຫົວໜ້າພະແນກ.

B. ໜ້າທີ່ ແລະ ຄວາມຮັບຜິດຊອບຂອງໜ່ວຍງານບໍລິຫານຂອງພາກວິຊາ.

1) ຄຸ້ມຄອງຂຶ້ນບັນຊີເຄື່ອງມື, ອຸປະກອນ ແລະ ເຄື່ອງຈັກ.

2) ຄຸ້ມຄອງ ແລະ ຂຶ້ນບັນຊີຕຳລາຮຽນ ແລະ ສື່ການຮຽນ-ການສອນຂອງພະແນກ.

3) ບໍລິການແຈກຈ່າຍວັດສະດຸ, ເຄື່ອງມື ແລະ ອຸປະກອນຮັບໃຊ້ການຮຽນ-ການສອນ.

4) ກວດກາ ແລະ ສ້ອມແປງເຄື່ອງຈັກ, ເຄື່ອງມື ແລະ ອຸປະກອນຕ່າງໆຢ່າງເປັນປະຈຳ.

5) ລາຍງານການປະຕິບັດວຽກງານ ແລະ ສະພາບການຕ່າງໆໃນແຕ່ລະໄລຍະໃຫ້ຫົວໜ້າພະແນກເປັນປົກກະຕິ.

6) ຊ່ວຍ ແລະ ອຳນວຍຄວາມສະດວກໃຫ້ແກ່ໜ່ວຍວິຊາ.

7) ປະຕິບັດໜ້າທີ່ອື່ນໆຕາມການມອບໝາຍຂອງຄະນະພະແນກ.

C. ການດຳເນີນການຮຽນ-ການສອນ.

1) ສ້າງແຜນການປະຈຳອາທິດ, ເດືອນ, ພາກຮຽນ ແລະ ສົກຮຽນ.

2) ສັງລວມແຜນການດຳເນີນງານ ແລະ ບົດສະຫລຸບປະຈຳເດືອນຂອງພະແນກຕໍ່ກອງປະຊຸມສະພາໂຮງຮຽນ.

3) ສົມທົບກັບພະແນກວິຊາການຈັດຕາຕະລາງການຮຽນ-ການສອນ  ແລະ ຈັດສັນຫ້ອງຮຽນ, ຫ້ອງເຝຶກງານ, ຫ້ອງທົດລອງ ແລະ ສິ່ງອຳນວຍຄວາມສະດວກຕ່າງໆ.

4) ຕິດຕາມ ແລະ ປະເມີນຜົນຄວາມຄືບໜ້າຂອງການປະຕິບັດແຜນການດຳເນີນງານຂອງທຸກໆໜ່ວຍວິຊາ ທີ່ຂຶ້ນກັບ.

5) ສັງລວມຂໍ້ສະເໜີ ແລະ ບົດສະຫລຸບຂອງໜ່ວຍງານທີ່ຂຶ້ນກັບ.

6) ສ້າງລະບົບຕິດຕາມການປະຕິບັດໂຄງການຫັຼກສູດ ແລະ ການນຳໃຊ້ສື່ການຮຽນ-ການສອນ.

7) ສົມທົບກັບພະແນກວິຊາການສ້າງຂໍ້ສະເໜີໃນການພັດທະນາ ແລະ ປັບປຸງ,ຫັຼກສູດ ແລະ ສື່ການຮຽນ-ການສອນ.

D. ການຄຸ້ມຄອງ.

v  ການຄຸ້ມຄອງຄູອາຈານພະນັກງານ ແລະ ນັກຮຽນນັກສຶກສາ

1) ຄຸ້ມຄອງຕິດຕາມ ແລະ ກວດກາການປະຕິບັດຂອງຄູອາຈານໃນພະແນກຂອງຕົນ.

2) ຄຸ້ມຄອງວຽກງານນັກສຶກສາຮອບດ້ານ, ແນະນຳ, ຕິດຕາມ ແລະ ກວດກາການປະຕິບັດລະບຽບຂອງນັກຮຽນນັກສຶກສາໃນພະແນກຂອງຕົນ.

3) ສ້າງລະບົບປະສານງານລະຫວ່າງຄູທີ່ປຶກສາກັບຜູ້ປົກຄອງ, ຕິດຕາມຜູ້ຮຽນຈົບ ແລະ ອາດີດນັກສຶກສາ ໂດຍສົມທັບກັບພະແນກກິດຈະການນັກສຶກສາ.

v  ການຄຸ້ມຄອງວັດຖຸ - ອຸປະກອນ.

1) ສ້າງແຜນພັດທະນາ, ຄຸ້ມຄອງ, ປົກປັກຮັກສາ ແລະ ນຳໃຊ້ອາຄານສະຖານທີ່ ແລະ ບໍລິເວນຂອບເຂດຮັບຜິດຊອບຂອງຕົນ.

2) ຄຸ້ມຄອງ ແລະ ນຳໃຊ້ວັດຖຸອຸປະກອນ, ສື່ການຮຽນ-ການສອນ, ເຄື່ອງຈັກ, ເຄື່ອງມື ແລະ ສິ່ງອຳນວຍຄວາມສະດວກຕ່າງໆ.

3) ຄຸ້ມຄອງວຽກງານອະນາໄມ, ປະດັບປະດາໃນບໍລິເວນຂອບເຂດຮັບຜິດຊອບຂອງຕົນໃຫ້ມີສະພາບແວດລ້ອມເປັນໜ້າຢູ່ ແລະ ສວຍສົດງົດງາມ.

v  ການວັດຜົນ-ປະເມີນຜົນ

1) ຈັດຕັ້ງການວັດຜົນສຳເລັດຂອງນັກສຶກສາຕາມລະບຽບຫັລກການ.

2) ຈັດຕັ້ງການສອບເສັງ ແລະ ທົດສອບຄວາມສາມາດທາງດ້ານພາກປະຕິບັດຂອງນັກສຶກສາ.

3) ຕິດຕາມ, ເກັບກຳໝາກຜົນຂອງການວັດຜົນນຳສົ່ງພະແນກວິຊາການ.

4) ຕິດຕາມ ແລະ ເກັບກຳການລົງເຝຶກງານ ແລະ ບົດລາຍງານຂອງນັກສຶກສາເຝຶກງານ.

5) ຈັດຕັ້ງການປ້ອງກັນບົດສຶກສາໂຄງການ.

v  ການສ້າງຜະລິດຕະພັນ

1) ສ້າງແຜນການຄຸ້ມຄອງວຽກງານຜະລິດ, ການບໍລິການ ແລະ ສົ່ງເສີມລາຍຮັບວິຊາການຂອງພະແນກຂອງຕົນ.

v  ການບໍລິການທາງດ້ານວິຊາການ

1) ຊຸກຍູ້ ແລະ ສົ່ງເສີມວຽກງານການຕະຫລາດເພື່ອການພັດທະນາພະແນກຂອງຕົນ.

2) ສ້າງແຜນການຮ່ວມມື ແລະ ບໍລິການທາງດ້ານວິຊາການກັບພາກສ່ວນທຸລະກິດທັງພາກລັດ ແລະ ເອກະຊົນ.

3) ສ້າງໂຄງການຮ່ວມມືກັບພາກສ່ວນດຳເນີນທຸລະກິດທີ່ກ່ຽວຂ້ອງກັບພະແນກຂອງຕົນ(ເປັນຜູ້ສະໜັບສະໜູນຫັລກໃຫ້ແກ່ພະແນກ).

Read 51201 times Last modified on Tuesday, 10 June 2014 09:48
You are here: Home ພາກວິຊາ ໄຟຟ້າອຸດສາຫະກຳ ສາຂາໄອທີ